Auglysing fyrir dansþátt þjóðarinnar á Rás 2 Party Zone

Í þættinum á laugardaginn verðum við með allsherjar upphitun fyrir Metro Area kvöldið á Organ.

Við fáum einhvern af fjölmörgum listamönnum kvöldsins í heimsókn sem að mun sjá um aðalsettið í þættinum.
Heppnir hlustendur munu svo geta unnið sér inn miða á kvöldið sjálft þannig að það borgar sig að fylgjast vel með á laugardaginn, það er aldrei að vita nema að þú náir þér í miða!

Við munum kynna nýjungarnar fyrir veturinn formlega en það eru helgarskammtur PZ (vinnuheiti) og ársfjórðungsdiskarnir.

Múmía kvöldsins verður svo að sjálfsögðu tileinkuð aðalnúmerum kvöldsins, Metro Area.
Eitthvað af nýmeti verður auðvitað laumað inn á milli og ekki ólíklegt að heyrist í listamönnum eins og  Dada Life, Ultracity, The Gossip, Simian Mobile Disco ásamt auðvitað eitthvað þeim mögnuðu lögum sem að voru á Party Zone listanum fyrir september.

Aðalmál kvöldsins verður að sjálfsögðu Metro Area kvöldið á Organ.  Miðasala er í fullum gangi á www.midi.is og kostar litlar 1500 kr inn.
Dagskrá kvöldsins er all svakaleg en hljómsveitirnar Bloodgroup og Sometime munu spila live, Terrordisco verður veislustjóri og spilar á milli atriða, og aðal plötusnúðar kvöldsins er svo Metro Area frá New York ásamt hinum alíslensku og mögnuðu Jack Schidt og DJ Lazer.
Allar upplýsingar eru að sjálfsögðu á pz.is eða með því að smella hér.

Heyrumst á Rás 2 á laugardag og sjáumst á Organ.