Jólaþáttur Party Zone á Rás 2 á annan í jólum og Party Zone '95 á Jacobsen

Í jólaþætti Party Zone verðum við á jólalegum nótum í fyrri hluta þáttarins þar sem við heyrum meðal annars jólahouse frá flytjendum eins og Eric Kupper, Bent, The Revenge, Lindström og fleirum.

 

Í seinni hlutanum hitum við svo upp fyrir Party Zone '95 kvöldið á Jacobsen.  Magnað kvöld framundan þar sem stemmningin frá árunum 1990-95 á Rósenberg og Tunglinu verður rifjuð upp.

 

Í þættinum spilum við meðal annars upptöku frá Party Zone '95 kvöldinu síðasta sumar þar sem allt varð hreinlega vitlaust.

 

Ekki missa af upphitun fyrir eitt skemmtilegasta partý ársins.

 

Miðasala á kvöldið er í fullum gangi á miði.is en einnig verða nokkrir miðar seldir við innganginn á kvöldinu sjálfu.  Fylgist svo vel með í þættinum þar sem við munum gefa nokkrum heppnum hlustendum miða á kvöldið í gegnum MSN þáttarins ([e-mail]<mailto:[e-mail]>).