Party Zone Tilkynning

Í þættinum á laugardag fáum við góðan gest í heimsókn en það er Terrordisco eða Sveinbjörn sem að verður plötusnúður þáttarins.

 

Hann er nýkominn heim frá New York og með fangið fullt af nýrri og skemmtilegri tónlist.

 

Að vanda heyrum við ýmislegt nýmeti og heyrum við meðal annars nýtt lag frá Sean Danke, heyrum af nýju Juan Maclean plötunni ásamt því að heyra í flytjendum eins og Annie, Friendly Fires, The Field, Empire of The Sun, Jackpot og fleirum.

 

Magnaðar múmíur úr Party Zone dýflissunni láta svo á sér kræla ásamt ýmsu öðru athyglisverðu.

   

Við minnum á Már & Nielsen Sleazatronica kvöldið á Kaffibarnum á laugardaginn, dela stuð í uppsiglingu þar.  Fréttatilkynningin fylgir með hér fyrir neðan.

   

Kveðja,

Helgi & Kristján

Party Zone

Öll laugardagskvöld milli 19:30 og 22:00 á Rás 2

   

pz.is

 

myspace.com/mypartyzone

 

PZ podcast

 

PZ MSN

 

PS. Þeir sem vilja ekki vera á þessum póstlista er bent á að senda okkur póst á [e-mail] eða [e-mail] og við kippum því í liðinn.

   

Fréttatilkynning.

 

Kvenfélag Kaffibarsins í samvinnu við Smirnoff kynnir með stolti:

 

SLEAZATRONICA

 

Már & Nielsen World Tour (Reykjavík, Akureyri og til baka)

 

á Kaffibarnum laugardagskvöldið 9.maí frá 23:00.

 

Már&Nielsen eru mættir aftur eftir stutta heimsókn á Betty Ford Clinic þar sem diskóbumburnar gengust undir "endurhæfingu". Beisla átti óseðjandi áhuga þeirra á háklassaglyðrum og kampavíni, það mistókst. Sumt er hreinlega ekki hægt að drepa. Má ætla að algerlega fáránlega næm tilfinning þeirra félaga fyrir góðu partýi og alvöru músik hafa þar af leiðandi magnast enn frekar ef eitthvað er.

 

Þeir töpuðu einfaldlega engu á bankahruninu, rándýra kampavínið flæðir enn og þeim er fyrirmunað að átta sig á breyttum aðstæðum. Vanir að láta hlutgera sig af kvenþjóðinni hyggjast þeir halda partýinu áfram með því að að vera einfaldlega holdiklætt freyðandi og sjáfumglatt STUÐ á laugardagskvöldið.

 

Kyntáknin frá 105 Reykjavík hefja heimstúr sinn Kaffibarnum. Mætið og sjáið tvær óbeisluðustu auðlindir landsins.