Stórasta bankarán Íslandssögunnar ( Grein eftir SS í 24 stundum í dag )

Það er búið að vera mikið um rán og

gripdeildir að undanförnu. Gjafakvótakerfið

heppnaðist fullkomlega sem

stærsta rán Íslandssögunnar og fyrir

nokkrum dögum upplýsti Jón Ásgeir að

það hefði verið framið bankarán, hvorki

meira né minna en stærsta bankarán Íslandssögunnar,

jafnvel heimsins. Þetta

er um margt sögulegt bankarán því forsvarsmenn

bankans leituðu til bankaræningjans

og samþykktu ránið með

undirskrift. Þetta gerðist svona: Davíð

gekk inn í bakherbergið og beindi byssu

að gagnauga Þorsteins Más og sagði:

„Velkominn til vítis, auli. Ég heiti Davíð

og ég er bankaræningi. Glitnir er að

fara til andskotans, þ.e.a.s. til mín. Ég

ætla að hirða bankann af ykkur. Ég er

með ríkisstjórnina hérna í rassvasanum

og nú er lag að dúndra hraustlega í

punginn á Jóni Ásgeiri drulludela.

Skrifaðu undir eða þú færð eitthvað

annað en flugu í höfuðið, motherfucker!“

Allt sem miður fer í þessum heimi er

Davíð að kenna. Hann og Satan eru tvíburar.

Jón Ásgeir, sem bráðum mun

breyta nafni sínu í Jón Násker, vill

meina að Davíð sé handrukkari ríkisins

og einn mesti ræningi sögunnar, fyrir

utan matvörukaupmenn. Ég vil hins

vegar meina að stærsta rán Íslandssögunnar

sé rán bankanna á landsmönnum

í formi glæpsamlega hárra

vaxta. Bankalán = bankarán. Þetta

Glitnis-„rán“ er smotterí í samanburði

við það raunverulega rán og það mun

standa yfir um ókomin ár.

 

Sverrir Stormsker

 

YFIR STRIKIÐ

 

24 LÍFIÐ