Dark Knight slær aðsóknarmet á ÍSLANDI

THE DARK KNIGHT  - SLÆR ÖLL AÐSÓKNARMET Á ÍSLANDI FYRR OG SÍÐAR! The Dark Knight, nýjasta kvikmynd Christopher Nolan, virðist ekki einungis ætla að slá öll aðsóknarmet erlendis heldur einnig hér á Íslandi. Opnun myndarinnar á Íslandi er sú stærsta fyrr eða síðar í krónum talið en tæplega 25.000 manns hafa séð myndina frá því að hún var frumsýnd þann 23. júlí. Þetta jafngildir því að 8% þjóðarinnar hafi ákveðið að fara í bíó þrátt fyrir að heitasti dagur sumarsins hafi verið hinn 25. júlí sl. The Dark Knight hefur auk þess slegið öll forsölumet á Íslandi en jafnmargir miðar hafa ekki selst á nokkra kvikmynd hér á landi í gegnum vefsíðuna midi.is.Það sem gerir þetta met enn merkilegra er að þetta er fyrsta kvikmyndin á Íslandi sem nær þeim merka áfanga að vera aðsóknarmesta mynd ársins sem ekki er frumsýnd í kringum jól eða aðrar hátíðir.

Athugasemdir

[Doddi - Þorsteinn G. Jónsson (IP-tala skráð) 28.7.2008 kl. 13:39]

Auðvitað varstu á undan mogganum með þetta, en ég bloggaði samt um það! Heitara popp næst!