Skandall - Eric Prydz afboðar komu sína til landsins

Eric Prydz afboðar komu sína til landsins

Plötusnúðurinn Eric Prydz hefur afboðað komu sína til landsins vegna óviðráðanlegra aðstæðna að sögn eiganda Flex Music á Íslandi. Flex Music harmar þetta. Umboðsskrifstofa Prydz hefur hinsvegar gefið það út að hann geti komið til Íslands seinna og þá á vegum Flex Music.

Ákveðið hefur verið að hætta við ballið fyrir 16 ára og eldri sem fram átti að fara fyrr um kvöldið. Þeir sem keypt hafa miða á þann viðburð í miðasölu Broadway fá hann endurgreiddan að fullu eftir helgi á þeim stað sem hann var keyptur. Í tilkynningu Flex Music segir að fyrirtækið ætli sér að koma til móts við yngri kynslóðina með klúbbakvöldi í sumar.

Seinni tónleikarnir fyrir 20 ára og eldri mun þó fara fram með því úrvali plötusnúða sem búnir voru að boða komu sína um kvöldið. Miðaverð verður 1500 krónur og fá þeir sem nú þegar hafa keypt sér miða á Prydz fá endurgreiddan mismuninn.

Tekið af vef DV