Auglysing Party Zone

PARTY ZONE.

 Dansþáttur þjóðarinnar, Party Zone, er voðalega ánægður að hefja vetrardagskrá þáttarins með flottu partý-i á nýjum stað.   Við ætlum að efna til danstónleika á alheitasta stað bæjarins um þessar mundir, Organ í Hafnarstræti.  Nú síðustu vikur hafa ekki ómerkari sveitir en Franz Ferdinand og Gus Gus haldið þar velheppnaða tónleika.   Tilkoma þessa nýja tónleikastaðar af millistærð  gerir okkur kleift að flytja inn spennandi artista eins og Metro Area, en þeir hafa verið í miklu uppáhaldi hjá PZ og fólki í kringum þáttinn.  Það er því loksins hægt að halda þétt partý á meðalstórum stað.  Vetrarstart þáttarins verður fyrsta kvöldið af nokkrum af þessum háa gæðaflokki.   Við höldum áfram þeirri stefnu að vera alltaf með eitthvað “Live” í bland við plötusnúða.   Aðalatriðið er og verður alltaf samt sem áður að missa ekki sjónar á partý-inu og né að taka okkur of hátíðlega.     Þátturinn verður sem fyrr á dagskrá Rásar 2 á Laugardagskvöldum í vetur ásamt því að vera  bjóða uppá alvinsælasta Podcast landsins.  Við vorum lang fyrstir að taka þessa frábæru nýung í gagnið svo fólk gæti orðið áskrifendur að þættinum.  PZ Podcastið er að verða þriggja ára gamalt og hafa yfir 2000 manns nýtt sér það nú þegar og fer hópnum sífellt fjölgandi.       Við ætlum að nota þetta Vetrarstart á þættinum til þess að kynna til leiks tvær nýungar sem Party Zone ætlar að setja af stað frá með núna.   Í fyrsta lagi kynnum við til leiks “Helgarskammt PZ” sem við setjum í loftið á síðu þáttarins  öll fimmtudagskvöld.  Þetta er fimmtudagspodcast þarsem við ætlum að setja saman fimm laga léttmixaða syrpu með lögum sem við teljum að gætu komið  ykkur í gírinn fyrir helgina.   Lagalistinn er síðan birtur á heimasíðu þáttarins www.pz.is  .   Hin nýungin eru ársfjórðungslegir diskar sem við hyggjumst framleiða í um 100 númeruðum eintökum og pósttenda  til skráðra áskrifenda að diskunum.   Á heimasíðun þáttarins verður hægt að skrá sig fyrir áskrift án endugjalds.    Aðrir dagskrárliðir eins og Múmíur kvöldsins og PZ listinn  verða áfram eins og áður.    

En nóg af þættinum sjálfum og kynnum þá listamenn og partýljónin sem koma fram á Vetrarstarti Party Zone á Organ laugardagskvöldið 29.sept:

 

 

 

Meira um listamenninna. ---------------------------------------------------------------------------------------------------------------------------

METRO AREA.  

Aðalnúmer kvöldsins koma frá New York.  Þetta dúó er skipað þeim Morgan Geist og Deshran Jesrani hafa verið í miklu uppáhaldi hjá okkur í þættinum sem og hjá plötusnúðum síðan breiðskífan Metro Area kom út 2002.  Hún sló svo vel í gegn hjá hjörðinni í kringum þáttinn að við val árslistans það ár endaði þessi breiðskífa á toppi listans.    Þeir létu fyrst að sér kveða á „late night sessions“ kvöldum í New Jersey og Manahattan fyrir nokkrum árum og fljótlega uppúr því kom út lag með þeim sem heitir„Atmosphrique“ og varð það alger cult hittari í dj senunni.   Þeir blanda saman á allveg brilliant og oft minimalískan máta disco, boogie og R&B.  Ástæðan að svo margir plötusnúðar og unnendur danstónlistar eru að fíla þá í ræmur er vegna þess að þeir krossa yfir í bæði hreint house og oft „laid back“ house og yfir í framsækið techno.  Þeir henta bæði í rólegum „lounge“ fíling sem og í stærri hljóðkerfum stóru skemmtistaðanna.   Þeir daðra líka við nostalgíu tóna og hljóða frá Chicago og Detroit þannig að í smá stund má halda að það sé komin gömul klassík á fóninn.    Það má kynna sér þá félaga nokkuð vel með því að skoða myspace prófílinn þeirra á www.myspace.com/metroarea

og með því að fletta þeim upp á http://www.discogs.com/artist/Metro+Area. 

 

Síðan er alltaf alfræðitónlistarvefurinn allmusic mjög góður...

hér er umfjöllun um þá http://wc10.allmusic.com/cg/amg.dll?p=amg&sql=10:hnfoxqq0ldfe~T0

og breiðskífuna þeirra http://wc10.allmusic.com/cg/amg.dll?p=amg&sql=10:hnfoxqq0ldfe . 

 Þeir eru mjög spenntir að koma hingað og hafa heyrt góða hluti af skemmtana- og tónlistarlífinu hér í Reykjavík.  Þeir hyggjast taka smá túristapakka, borða góðan mat og skemmta sér með okkur.  Þeir mæta til landsins á fimmtudaginn og munu taka eitthvað í spilara á föstudeginum (óauglýst) en koma fram síðan á Vetrarstarti Party Zone á laugardagskvöldinu og búa til sveitt partý með þeim Jack Schidt +DJ Lazer, Bloodgroup, Sometime og Terrordisco.   Hér fyrir neðan eru molar um íslensku listamenn og partýdýr kvöldsins.    

SOMETIME.            

Sometime eru Danni (áður í Maus), Diva De La Rosa, DJ Dice (áður í Quarashi) og Oculus sem er nýtekinn við af Curver (Ghostigital). Sometime hefur síðast liðna 6 mánuði verið upptekinn við að taka upp debut plötu sína "Supercalifragilisticexpialidcious" en hún kemur út í október 2007 á Itsuka.  Núna ætlar Sometime að spila og spila og spila, m.a. í Reykjavík nú á Laugardaginn og síðan Prag og Warsaw.  
athugið: http://www.myspace.com/sometimegroup
og: http://smekkleysa.net/is/album/195

 

BLOODGROUP.            

Það hefur mikið verið að gerast hjá rafhljómsveitinni Bloodgroup í sumar. Þau Lilja, Raggi, Janus og Halez eru  nýkomin heim úr vel heppnaðri tónleikaferð til New York og spila á nokkrum tónleikum á Íslandi á næstu dögum, m.a. á Opnunartónleikum LIDO, sem er glænýr tónleikastaður í Reykjavík, staðsettur á Ingólfsstræti. Þar koma einnig fram Sometime ofl. 16. september halda meðlimir sveitarinnar svo út til Berlínar í Þýskalandi þar sem þau spila á einni stærstu showcase-hátíð í Evrópu, Popkomm, auk þess að spila nokkra fleiri tónleika.Þar munu Bloodgroup njóta krafta hins hæfileikaríka DJ B-Ruff (Forgotten Lores), sem mun eftir Berlínarferðina bætast í tónleikasettið þeirra.
Upptökum á fyrstu  LP plötusveitarinnar, 'Sticky Situation' er lokið og kemur hún út í september, en meðlimir hljómsveitarinnar hafa eytt sumrinu í að sjá algjörlega sjálf um allar upptökur og hljóðblöndun á plötunni. Því má segja að Bloodgroup-liðar hafi haft nóg að gera í sumar.  Fylgjast má með Bloodgroup og hlusta á nokkrar demo-útgáfur af lögum af hinni væntanlegu LP plötu á MySpace síðu
hljómsveitarinnar, www.myspace.com/bloodgroup .

 

 

JACK SCHIDT + DJ LAZER

Það þarf líklega ekki að kynna þessa kappa mikið en þetta kvöld er ætlunin að setja þessa heitustu listaspíru snúða landsins saman í búrið og láta þá klára kvöldið.  Það verður fróðlegt að sjá og heyra þegar þeir egna hvorn annan í smá einvígi og partybrjálaði.   Það kæmi okkur ekkert á óvart að það sægjust einhver “Stage Dive” seint þessa nótt þegar leikar standa sem hæst.    

 Jack Schidt (aka Margeir Ingólfsson) hefur  verið að spila á flestum heitustu kvöldum þessa árs hér á landi, nægir að nefna Booka Shade, Stephan Bodzin, Kitzune og Trentemöller kvöldin, Gus Gus tónleikan ársins, Dansa Meira kvöldin.   Hann hefur einnig verið að spila mikið erlendis;  Kaupmannahöfn, London, Berlín, klúbbum í Frakklandi  og Lettlandi og er meiraðsegja bókaður á Ísafirði.     Heimasíða og tónlistarbloggið hans er www.margeir.com

DJ Lazer er forsprakki hljómsveitarinnar Hairdoctor og plötusnúður sem kemur fram reglulega á Sirkus og Kaffibarnum. 

 

 

TERRORDISCO 

Stundum kallaður Sveinbjörn. Hann hefur verið að koma fram á sjónarsviðið aftur eftir smá hlé.   Hann sló í gegn á nokkrum Italo Disco kvöldum í sumar og hefur verið að spila stuð á B5 reglulega.   Hann er einnig ansi liðtækur á kúabjöllu og hefur hann staðið vaktina á henni á tónleikum FM Belfast undanfarið.     Hann verður í hlutverki veislustjóra í DJ formi þar sem hann mun hefja kvöldið á slaginu 22:00 með drykkjum á línuna og flottri tónlist fram að fyrstu hljómsveit kvöldsins.  Hann svo spila á milli atriða fram að framkomu Metro Area.   Stuðgjafi í smáskömmtum sem sagt.