Party Zone LAUGARDAGSKVÖLDIÐ 22. október á Rás 2!

Fyrsti Party Zone þátturinn eftir örstutt hlé verður á laugardaginn á miðnætti til tvö og er þetta nýji tíminn okkar á Rás 2 (tæknilega séð á sunnudagsnótt en hverjum er ekki sama). Við munum hér eftir verða á dagskránni á laugardagskvöldum, oftast á miðnætti en stundum lengist þátturinn í annan endan eða frá kl 22 - 02, þegar eitthvað sérstakt er í gangi. Í fyrsta þættinum eftir hlé kynnum við til leiks eina af nýjungum þáttarins sem er á þá leið að við fáum einhvern plötusnúðinn til að gerast umsjónamenn þáttarins. Þetta þýðir að viðkomandi plötusnúður fær frjálsar hendur með allt tónlistarval þáttarins, sér m.a. um dagskrárliði eins og múmíu kvöldsins o.fl. Hlutverk umsjónamanna þáttarins verður einungis að koma inn stöku sinnum og kynna hvað er í gangi.

 

 

Ætlunin er að hafa svona þátt stöku sinnum og sá sem fær þann heiður að sjá um fyrsta "exklúsiv" þáttinn er enginn annar er Hjalti Egilsson AKA Casanova

 

Öll tónlist þáttarins verður úr plötukassanum hans og munum við heyra í flytjendum eins og Vincenzo, Anja Schneider, Maceo Plex, Miguel Campbell, Lee Foss, Nick Curly, Amirali, Smash TV og fleirum. Eftir að Casanova kynnir múmíu kvöldsins og verður búin að vera með almenna töffarastæla mun plötusnúður þáttarins, sem eðli máli samkvæmt er hann sjálfur, taka sett kvöldsins. Það verður fróðlegt að sjá hvernig hann á eftir að kynna sjálfan sig til leiks. :):)

 

Verið stillt á Rás 2 á miðnætti á laugardaginn og alla laugardaga hér eftir. :)

 

Dansþáttur Þjóðarinnar Party Zone ...í þetta skiptið í umsjón Casanova...alltaf á laugardögum.

   

Kveðja,

Helgi & Kristján

Party Zone

Laugardagskvöld milli 00:05 og 02:00 á Rás 2

 

pz.is

 

PZ podcast

 

PZ MSN

 

PZ Facebook