Gamli mótorinn!

Þegar þau giftu sig, hann áttræður og hún tvítug, var um fátt meira rætt í bænum.
Ári seinna mættu þau svo á spítalann því fyrsta barnið þeirra vildi í heiminn.
 
Ljósan sem tók á móti barninu óskaði gamla manninum til hamingju og sagði
"Mér þykir þetta afar merkilegt, Hvernig ferðu að þessu orðinn þetta fullorðinn?"
 
Sá gamli glotti og sagði "Maður verður að halda gamla mótornum gangandi"
 
Árið eftir mættu þau aftur á spítalann því nú var barn númer tvö að koma í heiminn.
Sama ljósan tók á móti því og auðvitað óskaði hún gamla manninum til hamingju og sagði:
 
"Þú ert ótrúlegur – Hvernig ferðu að þessu?"
 
Sá gamli glotti og sagði: "Maður verður að halda gamla mótornum gangandi"
 
Það brást ekki að þau birtust ári seinna því nú var þriðja barnið að koma í heiminn.

Enn tók sama ljósan móti og auðvitað óskaði hún gamla manninum til hamingju,
brosti og sagði:    "Ja - þú ert ekkert venjulegur!!!  – Hvernig ferðu að þessu?"
 
Sá gamli svaraði:
"Eins og ég hef sagt þér áður, verður maður að halda gamla mótornum gangandi"
 
Ljósan var ennþá brosandi, þegar hún klappaði honum á bakið og sagði:
"Líklega er komið að olíuskiptum hjá þér karlinn minn – þetta var svo svart"