ÓRÓI / JITTERS Fullt Hús á Rás 2 * * * *

ÓRÓI / JITTERS * * * *Ísland 2010. Ls: Baldvin Z. L: Atli Óskar Fjalarsson, Hreindís Ylva Garðarsdóttir Holm, Haraldur Ari Stefánsson. Sambíóin Álfabakka, Sambíóin Kringlunni, Sambíóin Keflavík, Sambíóin Akureyri, Sambíóin Selfossi. 1:38 klst. Bönnuð innan 12 ára. “Órói” er mjög vel heppnuð íslensk unglingaræma í leikstjórn Baldvins Z. Hún er byggð á tveimur bókum eftir Ingibjörgu Reynisdóttur, "Strákarnir með strípurnar" (2007) og "Rótleysi, rokk og rómantík" (2008). Þarna segir af leitandi unglingum í samtímanum sem lenda í margvíslegum uppákomum í samskiptum sínum innbyrðis og út á við. Þau vilja vera tekin alvarlega en eru enn hálfgildingsbörn á ýmsum sviðum. Leikararnir eru sannfærandi þrátt fyrir það að hlutverkin séu krefjandi. Unglingarnir ná kraftmikilli einbeitingu sem eflaust ber líka að þakka leikstjórninni. Grínatriði og sorglegar stundir liggja jafnvel fyrir þeim. Leikarar af eldri kynslóð eru líka traustir í hvítvetna. Myndatökustjórnin er markviss og vönduð. Tónlist er sterkur og mikilvægur þáttur í heildarútkomunni. Unglingamyndir eru vandasöm verkefni og gleðilegt að sjá útkomu af þessu tagi hjá hóp sem er jafn ungur. Og það er fátítt að leikstjóri hefji feril sinn af jafn miklu öryggi og Baldvin Z.ÓHT Ólafur H. Torfason, RÚV, Rás 2, Síðdegisútvarp, 21. okt. 2010.

Athugasemdir

[Emmcee, 21.10.2010 kl. 16:03]

Stendur líka alveg undir því.